ఐదేళ్లలోపు చిన్నారులకు బాల ఆధార్
చిన్నారికి బాల ఆధార్ ద్వారా అందిన కార్డు
పుట్టిన చిన్నారి నుంచి ప్రతి ఒక్కరికి ప్రస్తుతం ఆధార్‌కార్డు తప్పని సరైంది. ప్రభుత్వ పథకానికి, తదితర పనులకు విధిగా ఆధార్ కార్డును ఇవ్వాల్సి వస్తోంది. బ్యాంకులో ఖాతా తెరవాలన్నా.. దరఖాస్తు చేయాలన్నా ఇదే ప్రామాణికం. ఈ క్రమంలో చిన్నారులు ఆధార్ సెంటర్లకు వెళ్లి వరుసలో నిల్చోలేక ఇబ్బందులు పడుతున్నారు. దీంతో తపాలాశాఖ ఐదేళ్లలోపు చిన్నారులకు నేరుగా ఇంటి వద్దకే వచ్చి బాల ఆధార్ పేరుతో ఆధార్ కార్డును అందిస్తున్నారు. ఏ గ్రామంలోనైనా సరే సంబంధిత తపాలా సిబ్బందికి ఫోన్ ద్వారా లేదా నేరుగా సమాచారమిస్తే వారు ఇంటి వద్దకు వచ్చి చిన్నారుల ఫొటో తీసుకుని కార్డు అందజేస్తున్నారు. ఐదేళ్లు దాటిన తర్వాత సదరు చిన్నారులు కార్డును నవీకరణ చేయించుకోవాల్సి ఉంటుంది. దీని కోసం ఎలాంటి రుసుం చెల్లించాల్సిన అవసరం లేదు. దీనికి చిన్నారుల పుట్టిన రోజు నిర్ధారణ కోసం మున్సిపల్‌, గ్రామపంచాయతీ లేదా ఆసుపత్రిలో జనన ధ్రువీకరణ పత్రాలు ఇలా మూడింటిలో ఏదో ఒకటి తపాలా సిబ్బందికి అందజేయాలి. దీంతో పాటు తల్లిదండ్రులలో ఒకరికి సంబంధించిన ఆధార్ కార్డు వివరాలు నమోదు చేస్తారు. వారే బయోమెట్రిక్ విధానంలో వేలి ముద్ర వేయాల్సి ఉంటుంది. చిన్నారులతో పాటు వేలి ముద్ర వేసిన వారి పేరు నమోదవుతుంది. అనంతరం రెండు రోజుల్లో పిన్‌ నంబర్ జనరేట్‌ అయ్యి చరవాణికి ఓటీపీˆ వస్తుంది. అనంతరం వారం నుంచి పది రోజుల్లో నేరుగా ఆధార్‌కార్డు ఇంటికే వస్తుంది.
సంబంధిత గ్రామాల్లోని బీపీఎం, మండల తపాలా కార్యాలయంలో సమాచారం ఇస్తే సిబ్బంది వచ్చి బాల ఆధార్ సేవలందిస్తారు. చిన్నారుల తల్లిదండ్రులు ఈ అవకాశాన్ని సద్వినియోగం చేసుకోవాలి.ఆధార్ కేంద్రాల వద్ద బారులు తీరాల్సిన పనిలేదు. ఇందుకు ఎలాంటి రుసుం చెల్లించాల్సిన అవసరం లేదు.
- పిల్లల ఆధార్ కోసం ముందు UIDAI అధికారిక వెబ్‌సైట్‌ (https://uidai.gov.in/)కు వెళ్లి, ఆధార్ కార్డ్ రిజిస్ట్రేషన్ లింక్‌పై క్లిక్ చేయాలి. లేదా మీ సమీప ఆధార్ నమోదు కేంద్రానికి వెళ్లాలి
- పిల్లల పేరు, తల్లిదండ్రుల ఫోన్ నంబర్, ఈ-మెయిల్ అడ్రస్.. వంటి వివరాలను ఇక్కడ నమోదు చేయాలి.
- పూర్తి వివరాలతో ఆధార్ ఎన్‌రోల్‌మెంట్‌ ఫారమ్‌ను నింపాలి.
- అనంతరం అపాయింట్‌మెంట్ బటన్‌పై క్లిక్ చేసి, ఆధార్ కార్డు కోసం రిజిస్ట్రేషన్ తేదీని ఎంపిక చేసుకోవాలి.
- దగ్గర్లో ఉండే ఆధార్ కేంద్రాన్నితల్లిదండ్రులు ఎంచుకోవచ్చు.
- రిజిస్ట్రేషన్ బుకింగ్ తేదీన.. పిల్లల బర్త్ సర్టిఫికెట్, తల్లిదండ్రుల ఆధార్ కార్డు ఫోటో కాపీలు, అన్ని పత్రాలతో నమోదు కేంద్రానికి వెళ్లాలి.
- ఆధార్ అధికారి అన్ని పత్రాలను సరిచూస్తారు.
- పిల్లలకు ఐదేళ్ల లోపు వయసు ఉంటే, కేవలం వారి ఫోటో మాత్రమే ఆధార్ కార్డు కోసం తీసుకుంటారు.
- వీరి బయోమెట్రిక్ వివరాలను నమోదు చేయరు.
- పిల్లలకి 15 సంవత్సరాల కంటే ఎక్కువ వయస్సు ఉంటే, వేలిముద్ర రిజిస్టర్ మరియు ఫేస్ స్కాన్ అవసరం.
- అయితే, దీనితో పాటు, పాఠశాల యొక్క ఐ-కార్డ్ మరియు పాఠశాల లెటర్‌హెడ్ పై బోన ఫైడ్ సర్టిఫికేట్ సమర్పించాలి.
- ఈ పత్రాలన్నింటికీ గెజిటెడ్ అధికారి గుర్తింపు అవసరం అని గమనించండి.
- అన్ని వివరాలను ధ్రువీకరించిన తరువాత దరఖాస్తుదారునికి ఒక ఎకనాలెడ్జ్‌మెంట్ నంబర్ ఇస్తారు.
- దీని ద్వారా అప్లికేషన్ స్టేటస్‌ను తెలుసుకోవచ్చు.
- నమోదు చేసుకున్న 60 రోజుల్లో దరఖాస్తుదారుల రిజిస్టర్డ్ మొబైల్ నంబర్‌కు ఒక ఎస్ఎంఎస్ ద్వారా నోటిఫికేషన్ వస్తుంది.
- నమోదు ప్రక్రియ పూర్తయిన తర్వాత 90 రోజుల్లో బాల ఆధార్ కార్డును పంపిస్తారు.
- ఆధార్ కార్డు కోసం దరఖాస్తు చేసుకోవడానికి, మీరు సమీప ఆధార్ నమోదు కేంద్రానికి వెళ్లాలి.
- అక్కడ మీరు పిల్లల జనన ధృవీకరణ పత్రాన్ని చూపించాలి.పిల్లల ఆధార్ కార్డు నమోదుకు సంబంధించిన ఫారాన్ని నింపాలి.
- అవసరమైన అన్ని డాక్యుమెంట్లను జతచేసి అధికారులకు దరఖాస్తు ఫారాన్ని సమర్పించాలి.
- తల్లిదండ్రుల ఆధార్ కార్డు వివరాలు, మొబైల్ నంబర్ వంటి వివరాలను కూడా ఫారంలో తప్పనిసరిగా నింపాలి.
- వెరిఫికేషన్ పూర్తయిన తరువాత పిల్లలను ఫోటో తీస్తారు.
- ఐదు సంవత్సరాల లోపు వయసు ఉన్నవారి బయోమెట్రిక్ వివరాలను నమోదు చేయరు.
- ఐదేళ్లు, అంతకంటే ఎక్కువ వయసు ఉంటే, ఐరిస్ స్కాన్, వేలిముద్రలు, ఇతర బయోమెట్రిక్ డేటాను సేకరిస్తారు.
- పూర్తి వివరాలను ధ్రువీకరించిన తరువాత మీకు ఒక రసీదు ఇస్తారు. మరియు ఇక్కడ మీరు నమోదు సంఖ్య ఇవ్వాలి.
- ఈ ప్రక్రియ పూర్తయిన తర్వాత, 60 రోజుల్లో రిజిస్టర్డ్ మొబైల్ నంబర్‌కు ఎస్ఎంఎస్ వస్తుంది.
- ఈ ఎస్ఎంఎస్ వచ్చిన 60 రోజుల్లో బాల ఆధార్ కార్డు జారీ చేస్తారు.
